ब्रेकिंग

क्रीडा

मी सुद्धा विराट कोहलीचा खूप मोठा फॅन : राजीव घई

Wrutuja pandharpure
13 May 2025

नवी दिल्ली : पहलगाम दहशतवादी हल्ल्यानंतर भारतीय सैन्याने पाकिस्तानमधील दहशतवाद्यांचे ९ तळ नष्ट करण्यासाठी ’ऑपरेशन सिंदूर’अंतर्गत कारवाई केली. या कारवाईनंतर भारतीय सैन्याकडून सातत्याने याबाबत माहिती देण्यात येत आहे. सोमवारी भारतीय सैन्यदलातील तिन्ही विभागांच्या प्रमुखांनी ’ऑपरेशन सिंदूर’ आणि भारत-पाकिस्तान तणावाबाबत सध्याच्या परिस्थितीबद्दल पत्रकार परिषदेद्वारे माहिती दिली. या पत्रकार परिषदेत भारताचे डीजीएमओ लेफ्टनंट जनरल राजीव घई यांनी विराट कोहलीच्या कसोटी क्रिकेटमधील निवृत्तीचाही उल्लेख केला.

आमच्या एअरफील्ड्स आणि लॉजिस्टिक्सना लक्ष्य करणे खूप कठीण आहे. आपल्या अभेद्य फळीबद्दल बोलताना मी क्रिकेटमधील एक किस्सा सांगू शकतो. आज तर आपण क्रिकेटबद्दल बोललेच पाहिजे. कारण मी पाहिले की विराट कोहलीने नुकतीच कसोटी क्रिकेटमधून निवृत्ती जाहीर केली आहे. इतर भारतीयांप्रमाणेच तो देखील माझ्या आवडत्या क्रिकेटर्सपैकी एक आहे, असे म्हणत मिलिटरी ऑपरेशन्सचे महासंचालक म्हणाले.